ವ್ಯಾಟಿಕನ್ ಸಿಟಿ, ಏಪ್ರಿಲ್ 21: ಕ್ರೈಸ್ತ ಜಗತ್ತಿನ ಧಾರ್ಮಿಕ ನಾಯಕ ಪೋಪ್ ಫ್ರಾನ್ಸಿಸ್ ಇಂದು ನಿಧನರಾಗಿದ್ದಾರೆ ಎಂದು ವ್ಯಾಟಿಕನ್ ಪ್ರಕಟಿಸಿದೆ. 88ನೇ ವಯಸ್ಸಿನಲ್ಲಿ ತನ್ನ ಕೊನೆಯ ಉಸಿರೆಳೆದ ಅವರು, ತಮ್ಮ ಸರಳತೆ, ಸೇವಾಭಾವನೆ ಮತ್ತು ಮಾನವೀಯತೆಗೆ ಹೆಸರುವಾಸಿಯಾಗಿದ್ದರು.
ಪೋಪ್ ಫ್ರಾನ್ಸಿಸ್ (ಅಸಲಿ ಹೆಸರು ಹೊರ್ಗೆ ಮಾರಿಯೋ ಬೆರ್ಗೊಗ್ಲಿಯೋ) 2013ರಲ್ಲಿ 266ನೇ ಪೋಪ್ ಆಗಿ ಆಯ್ಕೆಯಾಗಿದ್ದರು. ಅವರು ಬಡವರ ಪರವಾಗಿ, ವಲಸೆ ಶರಣಾರ್ಥಿಗಳ ಹಕ್ಕುಗಳಿಗಾಗಿ ಹಾಗೂ ಪರಿಸರ ಸಂರಕ್ಷಣೆಗಾಗಿ ಶ್ರಮಿಸಿದರು.ಅವರ ನೇತೃತ್ವದಲ್ಲಿ ವ್ಯಾಟಿಕನ್ ನಲ್ಲಿ ಹಲವಾರು ಸುಧಾರಣೆಗಳು ಜರುಗಿದವು.
ಪೋಪ್ ಫ್ರಾನ್ಸಿಸ್ ಅವರ ಅಂತಿಮ ದರ್ಶನಕ್ಕಾಗಿ ವ್ಯಾಟಿಕನ್ ನಗರದಲ್ಲಿ ವಿಶೇಷ ವಿಧಾನದ ವ್ಯವಸ್ಥೆ ಮಾಡಲಾಗಿದೆ. ಸಾವಿರಾರು ಭಕ್ತರು ತಮ್ಮ ಸಂತಾಪವನ್ನು ವ್ಯಕ್ತಪಡಿಸಲು ಈಗಾಗಲೇ ನಗರಕ್ಕೆ ಭೇಟಿ ನೀಡಿದ್ದಾರೆ. ಅಂತಿಮ ವಿಧಿ ಸಂಸ್ಕಾರವು ಜಗತ್ತಿನ ಪ್ರಮುಖ ನಾಯಕರು ಮತ್ತು ಧಾರ್ಮಿಕ ಗುರುಗಳ ಉಪಸ್ಥಿತಿಯಲ್ಲಿ ನೆರವೇರಲಿದೆ.
