ಮಂಗಳೂರು:
ದಕ್ಷಿಣ ಕನ್ನಡ ಜಿಲ್ಲೆಯ ಪೊಲೀಸ್ ದಳಕ್ಕೆ ಹೊಸ ಸದಸ್ಯಳಾಗಿ ಸೇರ್ಪಡೆಗೊಂಡಿರುವುದು ಕೇವಲ ಮೂರು ತಿಂಗಳ ವಯಸ್ಸಿನ ಲ್ಯಾಬ್ರಡಾರ್ ತಳಿ ಶ್ವಾನ “ಲೈಕಾ”. ಸ್ಫೋಟಕ ಪತ್ತೆ ಕಾರ್ಯಾಚರಣೆಗೆ ವಿಶೇಷ ತರಬೇತಿ ಪಡೆಯಲು ಲೈಕಾವನ್ನು ಪೊಲೀಸರಿಗೆ ಹಸ್ತಾಂತರ ಮಾಡಲಾಗಿದೆ.
ದಕ್ಷಿಣ ಕನ್ನಡ ಪೊಲೀಸ್ ಇಲಾಖೆಯ ಶ್ವಾನ ದಳದಲ್ಲಿ ಒಟ್ಟು 4 ಶ್ವಾನಗಳಿದ್ದು, ಅದರಲ್ಲಿ 1 ಇತ್ತೀಚೆಗೆ ನಿವೃತ್ತಿ ಹೊಂದಿತ್ತು. ಅದರ ಬದಲಾಗಿ ಈಗ ಮೂರು ತಿಂಗಳಿನ ಲ್ಯಾಬ್ರಡಾರ್ ತಳಿ ಶ್ವಾನ “ಲೈಕಾ” ಳನ್ನು ಸೇರಿಸಿಕೊಳ್ಳಲಾಗಿದೆ ಎಂದು ಎಸ್ಪಿ ಡಾ.ಅರುಣ್ ಕೆ ತಿಳಿಸಿದರು.
ಲೈಕಾ ಹೆಚ್ಚಿನ ತರಬೇತಿಗೆ ಬೆಂಗಳೂರಿಗೆ ತೆರಳಲಿದ್ದು, ತರಬೇತಿ ಬಳಿಕ ಶ್ವಾನ ದಳಕ್ಕೆ ಹೆಚ್ಚಿನ ಬಲ ತುಂಬಲಿದೆ.