ಕೊಡಗು ಸಂಪಾಜೆ ಗ್ರಾಮದ ಕೊಯನಾಡು ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲಾ ಕಟ್ಟಡದ ಹಿಂಬದಿ ನಿರಂತರ ಮಳೆಯ ಕಾರಣದಿಂದ ಬಾರೀ ಪ್ರಮಾಣದಲ್ಲಿ ಬರೆ ಕುಸಿತಗೊಂಡಿದ್ದು, ತರಗತಿ ಕೊಠಡಿಗಳಿಗೆ ಹಾನಿಯಾಗಿರುವ ಘಟನೆ ವರದಿಯಾಗಿದೆ.
ಮಳೆಯ ಹಿನ್ನೆಲೆಯಲ್ಲಿ ಕೊಡಗು ಜಿಲ್ಲಾಡಳಿತ ಜಿಲ್ಲೆಯ ಎಲ್ಲ ಶಾಲೆಗಳಿಗೂ ರಜೆ ಘೋಷಣೆ ಮಾಡಿದ್ದು, ಬರೆ ಕುಸಿಯುವ ಸಂದರ್ಭದಲ್ಲಿ ಶಾಲೆಯಲ್ಲಿ ಯಾರೂ ಇರಲಿಲ್ಲವೆನ್ನಲಾಗಿದೆ.ಕಳೆದ ವಾರವಷ್ಟೇ ಇಲ್ಲಿ ಮಣ್ಣು ಕುಸಿದು ಅದನ್ನು ತೆರವು ಮಾಡಲಾಗಿತ್ತು , ಇದೀಗ ಮತ್ತೆ ಮತ್ತೆ ಮಣ್ಣು ಕುಸಿಯುತ್ತಿರುವುದ ವಿದ್ಯಾರ್ಥಿ ಪೋಷಕರ ಆತಂಕಕ್ಕೆ ಕಾರಣ ವಾಗಿದೆ.
ಕಳೆದ ವರ್ಷವೂ ಹಲವು ಬಾರಿ ಇಲ್ಲಿ ಶಾಲೆಯ ಮೇಲೆ ಬರೆ ಕುಸಿದಿತ್ತು.