ಅಜ್ಜಾವರ ಗ್ರಾಮದ ವಿವಿಧ ಭಾಗಗಳಲ್ಲಿ ಅವ್ಯಾಹುತವಾಗಿ ಕೆಂಪು ಕಲ್ಲುಗಣಿಗಾರಿಕೆ ಕಾರ್ಯ ಚಟುವಟಿಕೆ ಮಾಡುತ್ತಿದ್ದು ಇದರಲ್ಲಿ ಕೆಲವು ಅಕ್ರಮ ಗಣಿಗಾರಿಕೆಗಳಾಗಿವೆ, ಇತಂಹ ಕಲ್ಲುಕೋರೆಗಳಿಗೆ ಡಿ 10. ರ ಸಂಜೆ ಸುಳ್ಯ ತಹಶೀಲ್ದಾರ್ ಕು .ಅನಿತಾಲಕ್ಷ್ಮಿ ಮತ್ತುಆರ್ ಎಫ್ ಒ ಮಂಜುನಾಥ್ ತಂಡ ದಿಢೀರ್ ದಾಳಿ ಮಾಡಿದೆ ಎಂದು ತಿಳಿದು ಬಂದಿದೆ. ಹಲವು ಶ್ರೀಮಂತ ಕುಳಗಳು ಗಣಿಗಾರಿಕೆ ನಡೆಸುತ್ತಿದ್ದು, ಸ್ಥಳೀಯರ ವಿರೋಧದ ನಡುವೆಯೂ ಗಣಿಗಾರಿಕೆ ನಡೆಯುತ್ತಿತ್ತು ಎಂದು ಹೇಳಲಾಗಿದೆ, ಇದೀಗ ಸ್ಥಳೀಯರು , ಮತ್ತು ಸುಳ್ಯ ತಹಶೀಲ್ದಾರರಿಗೆ ಲಿಖಿತ ಮನವಿ ಮಾಡಿ ಪರಿಶೀಲಿಸುವ ಬಗ್ಗೆ ಕೇಳಿ ಕೊಂಡಿತ್ತು. ಈ ದೂರಿನ ಹಿನ್ನಲೆಯಲ್ಲಿ ದಾಳಿ ಸಂಘಟಿಸಲಾಗಿದೆ ಎಂದು ತಿಳಿದು ಬಂದಿದೆ. ದಾಳಿಯಲ್ಲಿ ಗಣಿಗಾರಿಕೆಗೆ ಬಳಸುತ್ತಿದ್ದ ಯಂತ್ರ ಹಾಗೂ ಪರಿಕರಗಳನ್ನು ಮುಟ್ಟುಗೋಲು ಮಾಡಲಾಗಿದೆ ಎಂದು ಮಾಹಿತಿ ಲಭ್ಯವಾಗಿದೆ.
