ನವದೆಹಲಿ: ಕಳೆದ ನಾಲ್ಕು ವರ್ಷಗಳಿಂದ ಸ್ಥಿರವಾಗಿದ್ದ ಇಂಧನ ದರ ಏರಿಕೆಯಾಗಿದ್ದು, ದೇಶಾದ್ಯಂತ ಪೆಟ್ರೋಲ್ ಮತ್ತು ಡೀಸೆಲ್ ಬೆಲೆಯಲ್ಲಿ ತಲಾ 3 ರೂಪಾಯಿ ಏರಿಕೆ ಮಾಡಲಾಗಿದೆ. ಇಂದಿನಿಂದಲೇ (ಶುಕ್ರವಾರ) ಜಾರಿಗೆ ಬರುವಂತೆ ಸರ್ಕಾರಿ ಸ್ವಾಮ್ಯದ ತೈಲ ಕಂಪನಿಗಳು ಈ ಪರಿಷ್ಕೃತ ದರವನ್ನು ಘೋಷಿಸಿವೆ.
ಇಂದಿನ ಇಂಧನ ದರ ಪಟ್ಟಿ (ಮೇ 15, 2026)
ನಗರ ಪೆಟ್ರೋಲ್ (ರೂ.) ಡೀಸೆಲ್ (ರೂ.) ದೆಹಲಿ. 97.77 (+3.00) 90.67 (+3.00)
ಕೋಲ್ಕತ್ತ 108.74 (+3.29) 95.13 (+3.11)
ಮುಂಬೈ 106.68 (+3.14) 93.14 (+3.11)
ಚೆನ್ನೈ 103.67 (+2.83) 95.25 (+2.86)
ಬೆಂಗಳೂರು 106.17 (+3.21) 94.10 (+3.11)
ಬೆಲೆ ಏರಿಕೆಗೆ ಕಾರಣವೇನು? ಪಶ್ಚಿಮ ಏಷ್ಯಾದಲ್ಲಿ (West Asia) ನಡೆಯುತ್ತಿರುವ ಸಂಘರ್ಷದಿಂದಾಗಿ ಜಾಗತಿಕ ಮಾರುಕಟ್ಟೆಯಲ್ಲಿ ಕಚ್ಚಾ ತೈಲದ ಬೆಲೆ ಗಗನಕ್ಕೇರಿದೆ. ಮೂಲಗಳ ಪ್ರಕಾರ, ತೈಲ ಕಂಪನಿಗಳು ಅನುಭವಿಸುತ್ತಿರುವ ನಷ್ಟವನ್ನು ಸರಿದೂಗಿಸಲು ಈ ಏರಿಕೆ ಅನಿವಾರ್ಯವಾಗಿದೆ. ವಾಸ್ತವವಾಗಿ, ಅಂತರಾಷ್ಟ್ರೀಯ ದರಕ್ಕೆ ಹೋಲಿಸಿದರೆ ಈ 3 ರೂಪಾಯಿ ಏರಿಕೆಯು ಕೇವಲ ಹತ್ತನೇ ಒಂದು ಭಾಗದಷ್ಟಿದೆ (1/10th). ಅಂದರೆ ಮುಂದಿನ ದಿನಗಳಲ್ಲಿ ಮತ್ತಷ್ಟು ಬೆಲೆ ಏರಿಕೆಯ ಸೂಚನೆಯನ್ನು ಇದು ನೀಡುತ್ತಿದೆ.