ನವದೆಹಲಿ: ಮಧ್ಯಪ್ರದೇಶ ಹೈಕೋರ್ಟ್ ತೀರ್ಪಿಗೆ ವಿರುದ್ಧವಾಗಿ ಸಲ್ಲಿಸಿದ ಅಸಂಬದ್ಧ ಅರ್ಜಿಯನ್ನು ತೀವ್ರವಾಗಿ ಖಂಡಿಸಿದ ಸುಪ್ರೀಂ ಕೋರ್ಟ್, ಭಾರತ ಸಂಚಾರ ನಿಗಮ್ ಲಿಮಿಟೆಡ್‌ (ಬಿಎಸ್ಎನ್‌ಎಲ್) ಮೇಲೆ ರೂ.1 ಲಕ್ಷ ದಂಡ ವಿಧಿಸಿದೆ.
ಪವನ್ ಠಾಕೂರ್ ಎಂಬ ವ್ಯಕ್ತಿ, ತನ್ನ ತಂದೆ-ತಾಯಿ ಇಬ್ಬರೂ ಬಿಎಸ್ಎನ್‌ಎಲ್ ನೌಕರರಾಗಿದ್ದು, ಅವರಿಬ್ಬರ ಸಾವಿನ ಬಳಿಕ ಕಂಪ್ಯಾಷನೇಟ್ ನೇಮಕಾತಿಗಾಗಿ ಅರ್ಜಿ ಸಲ್ಲಿಸಿದ್ದರು. ಹೈಕೋರ್ಟ್ ಅವರು ಪರವಾಗಿ ತೀರ್ಪು ನೀಡಿದ ಬಳಿಕ, ಬಿಎಸ್ಎನ್‌ಎಲ್ ಅದನ್ನು ಸುಪ್ರೀಂ ಕೋರ್ಟ್‌ನಲ್ಲಿ ಪ್ರಶ್ನಿಸಿತ್ತು.
ನ್ಯಾಯಮೂರ್ತಿಗಳು ಅಹ್ಸನುದ್ದೀನ್ ಅಮಾನುಲ್ಲಾ ಮತ್ತು ಎಸ್.ವಿ.ಎನ್ ಭಟ್ಟಿ ಅವರ ಪೀಠ, ಬಿಎಸ್ಎನ್‌ಎಲ್ ಅರ್ಜಿಯನ್ನು “ಸಂಪೂರ್ಣವಾಗಿ ನಿರರ್ಥಕ” ಎಂದು ವ್ಯಾಖ್ಯಾನಿಸಿ, ದಂಡದ ಮೊತ್ತವನ್ನು ನೇರವಾಗಿ ಪವನ್ ಠಾಕೂರ್ ಅವರಿಗೆ ಎರಡು ವಾರಗಳಲ್ಲಿ ಪಾವತಿಸಲು ಸೂಚಿಸಿದೆ.