ಮ್ಯಾಂಚೆಸ್ಟರ್: ಭಾರತ ಮತ್ತು ಇಂಗ್ಲೆಂಡಿನ ನಡುವಿನ ನಾಲ್ಕನೇ ಟೆಸ್ಟ್ ಪಂದ್ಯದವನ್ನು, ಭಾರತದ ಆಲ್ರೌಂಡರ್‌ ರವೀಂದ್ರ ಜಡೇಜಾ ಮತ್ತು ವಾಷಿಂಗ್ಟನ್ ಸುಂದರ್ ಅವರ ಶತಕಗಳ ಸಹಾಯದಿಂದ ಭಾರತ ಡ್ರಾ ಮಾಡಿಕೊಂಡಿದೆ. ಐದನೇ ದಿನದ ಕೊನೆಗೆ ಭಾರತ 143 ಓವರ್‌ಗಳಲ್ಲಿ 425/4 ರನ್‌ಗಳನ್ನು ಗಳಿಸಿ ಇಂಗ್ಲೆಂಡಿನ 311 ರನ್‌ಗಳ ಭಾರೀ ಮೊದಲ ಇನಿಂಗ್ಸ್ ಮುನ್ನಡೆಯನ್ನು ದಾಟಿಸುವಲ್ಲಿ ಯಶಸ್ವಿಯಾಯಿತು.
ಕಪ್ತಾನ ಶುಭಮನ್ ಗಿಲ್ ಅವರ ಅದ್ಭುತ ಶತಕದ ನೆರವಿನಿಂದ ಭಾರತ ಈ ಸಾಧನೆಯತ್ತ ಮುನ್ನಡೆಯಿತು. ಗಿಲ್ ಹಾಗೂ ಓಪನರ್ ಕೆ.ಎಲ್. ರಾಹುಲ್ ನಡುವಿನ 417 ಎಸೆತಗಳ ಭರ್ಜರಿ ಜೊತೆಯಾಟ ತಂಡದ ಸ್ಥಿತಿ ಸ್ಥಿರಗೊಳಿಸಿತು. ಈ ನಡುವೆ ರಾಹುಲ್ 90 ರನ್ ಗಳಿಸಿ ಉತ್ತಮ ಬೆಂಬಲ ನೀಡಿದರು. ಗಿಲ್ ತನ್ನ ಶತಕದ ಮೂಲಕ ಇಂಗ್ಲೆಂಡಿನಲ್ಲಿ ಒಂದು ಸರಣಿಯಲ್ಲಿ ನಾಲ್ಕು ಟೆಸ್ಟ್ ಶತಕಗಳನ್ನು ಗಳಿಸಿದ ಮೊದಲ ಭಾರತೀಯ ಆಟಗಾರನಾಗಿ ದಾಖಲೆ ಬರೆಯದರು.
ಐದನೇ ದಿನದ ಅಂತ್ಯದವರೆಗೆ ಜಡೇಜಾ (107) ಮತ್ತು ಸುಂದರ್ (103) ಅವರು ಅಜೇಯರಾಗಿ ಉಳಿದಿದ್ದು, ಇಂಗ್ಲೆಂಡಿನ ಗೆಲುವಿನ ಆಸೆಯನ್ನು ಸಂಪೂರ್ಣವಾಗಿ ನಿರಾಶೆಗೊಳಿಸಿದರು. ಈ ಫಲಿತಾಂಶದೊಂದಿಗೆ ಇಂಗ್ಲೆಂಡ್ ಸರಣಿಯಲ್ಲಿ ಈಗ 2-1 ಮುನ್ನಡೆಯನ್ನು ಕಾಯ್ದುಕೊಂಡಿದೆ. ಐದನೇ ಮತ್ತು ಕೊನೆಯ ಪಂದ್ಯ ನಿರ್ಣಾಯಕವಾಗಲಿದೆ.
