ಬೆಂಗಳೂರು, (ನವೆಂಬರ್ 20): ನಗರದ ದೇವಾಲಯವೊಂದರಲ್ಲಿ ನಿನ್ನೆ (ಬುಧವಾರ) ತಾಯಿ–ಮಗಳ ಮಧ್ಯೆ ನಡೆದ ಭೀಕರ ಘಟನೆ ಸ್ಥಳೀಯರನ್ನು ಬೆಚ್ಚಿಬೀಳಿಸಿದೆ. 25 ವರ್ಷದ ಯುವತಿಯನ್ನು ಆಕೆಯ ತಾಯಿಯೇ ಮಚ್ಚಿನಿಂದ ದಾಳಿ ಮಾಡಿದ ಪ್ರಕರಣದಲ್ಲಿ ನರ ಬಲಿ ಶಂಕೆ ವ್ಯಕ್ತವಾಗಿದೆ.
ಮಾಹಿತಿಯ ಪ್ರಕಾರ, ತಾಯಿ ತನ್ನ ಮಗಳೊಂದಿಗೆ ಬೆಳಿಗ್ಗೆ ದೇವಾಲಯಕ್ಕೆ ಬಂದಿದ್ದು, ಕೆಲವು ಕ್ಷಣಗಳಲ್ಲೇ ಅಚ್ಚರಿಯ ದಾಳಿಗೆ ಮುಂದಾಗಿದ್ದಾಳೆ. ಘಟನೆ ನಡೆದ ತಕ್ಷಣ ದೇವಾಲಯದಲ್ಲಿದ್ದವರು ಮಹಿಳೆಯನ್ನು ತಡೆದಿದ್ದಾರೆ ಹಾಗೂ ಗಾಯಗೊಂಡ ಯುವತಿಯನ್ನು ತುರ್ತು ಚಿಕಿತ್ಸೆಗೆ ಆಸ್ಪತ್ರೆಗೆ ಕಳುಹಿಸಲಾಗಿದೆ. ಯುವತಿಯ ಸ್ಥಿತಿ ಗಂಭೀರವಾಗಿದೆ ಎಂದು ತಿಳಿದುಬಂದಿದೆ.
ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿ, ದೇವಾಲಯದ ಒಳಗಿರುವ CCTV ದೃಶ್ಯಗಳನ್ನು ಪರೀಕ್ಷಿಸಿದ್ದು, ತಾಯಿಗೆ ಮಾನಸಿಕ ಆರೋಗ್ಯ ಸಮಸ್ಯೆಯಿದೆಯೇ?, ಅಥವಾ ಯಾವುದೇ ಮಾಟಮಂತ್ರ ಪ್ರಭಾವವಿದೆಯೇ? ಎಂಬ ಕೋನದಲ್ಲಿ ತನಿಖೆ ಮುಂದುವರೆಸಿದ್ದಾರೆ.