ಕಾಂತಾರ ಚಾಪ್ಟರ್ ಒನ್ ಚಿತ್ರದ ಕನ್ನಡ ಟ್ರೈಲರ್‌ನ್ನು ಕನ್ನಡಿಗರಿಂದಲೇ ಬಿಡುಗಡೆ ಮಾಡುವ ನಿರ್ಧಾರ ಕೈಗೊಳ್ಳಲಾಗಿದೆ. ಈ ಮೂಲಕ ನಿರ್ದೇಶಕ ರಿಷಬ್ ಶೆಟ್ಟಿ ತಮ್ಮ ಕನ್ನಡ ಪ್ರೀತಿಯನ್ನು ಮತ್ತೊಮ್ಮೆ ಸಾಬೀತು ಮಾಡಿದ್ದಾರೆ.
ಬಹುಭಾಷೆಗಳಲ್ಲಿ ತೆರೆಕಾಣುತ್ತಿರುವ ಈ ಚಿತ್ರದ ಟ್ರೈಲರ್‌ಗಳನ್ನು ಪ್ರತಿ ಭಾಷೆಯ ಪ್ರಮುಖ ತಾರೆಗಳೇ ಬಿಡುಗಡೆ ಮಾಡುತ್ತಿದ್ದಾರೆ. ಪ್ರಭಾಸ್ (ತೆಲುಗು), ಪೃಥ್ವಿರಾಜ್ ಸುಕುಮಾರನ್ (ಮಲೆಯಾಳಂ), ಹೃತಿಕ್ ರೋಷನ್ (ಹಿಂದಿ) ಟ್ರೈಲರ್‌ಗಳನ್ನು ಬಿಡುಗಡೆ ಮಾಡುವಾಗ, ಕನ್ನಡದ ಟ್ರೈಲರ್ ಬಿಡುಗಡೆಗೆ ಕನ್ನಡಿಗರನ್ನೇ ಆರಿಸುವ ಮೂಲಕ ರಿಷಬ್ ಶೆಟ್ಟಿಯವರು ವಿಭಿನ್ನ ಪ್ರಯತ್ನ ಮಾಡಿದ್ದಾರೆ.