ನವದೆಹಲಿ: ಭಾರತದ ಸಾರ್ವಜನಿಕ ಪ್ರಸರಣವನ್ನು ಆಧುನಿಕಗೊಳಿಸುವ ಮಹತ್ವದ ಹೆಜ್ಜೆಯಲ್ಲಿ, ಪ್ರಸಾರ ಭಾರತಿ ತನ್ನ ಹೊಸ ಒಟಿಟಿ ವೇದಿಕೆ ‘ವೇವ್ಸ್’ ಅನ್ನು ಅಧಿಕೃತವಾಗಿ ಪ್ರಾರಂಭಿಸಿದೆ. ಈ ಹೊಸ ಡಿಜಿಟಲ್ ಸೇವೆಯು ಜನಮೆಚ್ಚಿದ ದೂರದರ್ಶನ ಕಾರ್ಯಕ್ರಮಗಳನ್ನು ಪ್ರೇಕ್ಷಕರಿಗಾಗಿ ಮರುಪ್ರಸಾರ ಮಾಡುತ್ತಿದೆ.
ಪ್ರಸಾರ ಭಾರತಿ’ಯ ‘ವೇವ್ಸ್’ ಒಟಿಟಿ ವೇದಿಕೆಯು ಭಾರತದ ಡಿಜಿಟಲ್ ಪರಿವರ್ತನೆಯ ಪ್ರಮುಖ ಹಂತವನ್ನು ಸೂಚಿಸುತ್ತದೆ. ಇದರಿಂದ ವೀಕ್ಷಕರು ಹೆಸರಾಂತ ದೂರದರ್ಶನ ಧಾರಾವಾಹಿಗಳು, ರಾಮಾಯಣ, ಮಹಾಭಾರತ ಮತ್ತು ಶಕ್ತಿಮಾನ್ ಮುಂತಾದವುಗಳ ಜೊತೆಗೆ, ಸುಮಾರು 40 ಕ್ಕೂ ಹೆಚ್ಚು ವಾಹಿನಿಗಳನ್ನು ನೇರಪ್ರಸಾರದಲ್ಲಿ ವೀಕ್ಷಿಸಬಹುದು. ಇದರಲ್ಲಿ 12 ಕ್ಕೂ ಹೆಚ್ಚು ಭಾಷೆಗಳಲ್ಲಿ ಸುದ್ದಿಗಳು, ಸಾಕ್ಷ್ಯಚಿತ್ರಗಳು, ಸಾಂಸ್ಕೃತಿಕ ಕಾರ್ಯಕ್ರಮಗಳು ಮತ್ತು ಪ್ರಾದೇಶಿಕ ಪ್ರದರ್ಶನಗಳು ಪ್ರಸಾರವಾಗಲಿವೆ.
ಇದರ ಬಗ್ಗೆ ಮಾತನಾಡಿದ ಪ್ರಸಾರ ಭಾರತಿ ಸಿಇಒ ಗೌರವ್ ದ್ವಿವೇದಿ, “ಈ ವೇದಿಕೆಯು ಭಾರತೀಯರ ಪುರಾತನ ಟಿವಿ ಪರಂಪರೆಯನ್ನು ಮತ್ತೊಮ್ಮೆ ಪ್ರೇಕ್ಷಕರಿಗೆ ತಲುಪಿಸುತ್ತೇವೆ ಮತ್ತು ಸಾರ್ವಜನಿಕ ಪ್ರಸರಣವನ್ನು ಡಿಜಿಟಲ್ ಯುಗದಲ್ಲಿ ಪ್ರಸ್ತುತಗೊಳಿಸುತ್ತೇವೆ. ‘ವೇವ್ಸ್’ ಮೂಲಕ, ನಾವು ಡಿಜಿಟಲ್ ಮನೋರಂಜನಾ ಲೋಕಕ್ಕೆ ಕಾಲಿಡಲಿದ್ದೇವೆ. ಜೊತೆಗೆ, ದೂರದರ್ಶನ ಮತ್ತು ಆಕಾಶವಾಣಿಯ ಪರಂಪರೆಯನ್ನು ಕೂಡಾ ಕಾಪಾಡಿಕೊಂಡಿದ್ದೇವೆ,” ಎಂದು ಅವರು ಹೇಳಿದರು.
ಪಾರಂಪರಿಕ ಕಾರ್ಯಕ್ರಮಗಳ ಜೊತೆಗೆ ನೇರ ಪ್ರಸಾರಗಳಿಗೂ ಪ್ರಾಧಾನ್ಯತೆ
ಪಾರಂಪರಿಕ ಮತ್ತು ಸಾಂಸ್ಕೃತಿಕ ಕಾರ್ಯಕ್ರಮಗಳ ಜೊತೆಗೆ ‘ವೇವ್ಸ್’ ಮುಂಬರುವ ಯುಎಸ್ ಪ್ರೀಮಿಯರ್ ಲೀಗ್ ಕ್ರಿಕೆಟ್ ಟೂರ್ನಮೆಂಟ್ ನಂತಹ ನೇರ ಪ್ರಸಾರಗಳ ಆತಿಥೇಯಿಕವಾಗಿ ಕಾರ್ಯನಿರ್ವಹಿಸಲಿದೆ. ಈ ಮೂಲಕ ಕ್ರಿಕೆಟ್ ಅಭಿಮಾನಿಗಳ ಗಮನ ಸೆಳೆಯಲು ಯತ್ನಿಸಲಾಗುತ್ತಿದೆ.
ಈ ವೇದಿಕೆಯು ಅನನ್ಯ ಮೂಲ ವಿಷಯಗಳು, ಶೈಕ್ಷಣಿಕ ಕಾರ್ಯಕ್ರಮಗಳು ಮತ್ತು ಮಾಹಿತಿ ಪ್ರಧಾನ ಮನರಂಜನೆಗಾಗಿಯೂ ಸೇವೆ ಒದಗಿಸುವ ಭರವಸೆ ನೀಡುತ್ತದೆ. ಇದು ಮೊಬೈಲ್ ಅಪ್ಲಿಕೇಶನ್ ಮತ್ತು ಸ್ಮಾರ್ಟ್ ಟಿವಿಗಳಲ್ಲಿ ಲಭ್ಯವಿದ್ದು, ಪ್ರೇಕ್ಷಕರು ಇದರ ಸದುಪಯೋಗ ಮಾಡಿಕೊಳ್ಳಬಹುದು.
ದೂರದರ್ಶನ ಮತ್ತು ಪ್ರಸಾರ ಭಾರತಿಯ ಹೊಸ ಯುಗ
‘ವೇವ್ಸ್’ ಒಟಿಟಿ ಪರಿಚಯವು ಪ್ರಸಾರ ಭಾರತಿ’ಯ ಉದ್ದೇಶವನ್ನು ಸ್ಪಷ್ಟಪಡಿಸುತ್ತದೆ. ಇದು ವೇಗವಾಗಿ ಬದಲಾಗುತ್ತಿರುವ ಮಾಧ್ಯಮ ಪರಿಸರದಲ್ಲಿ ತನ್ನ ಛಾಪನ್ನು ಮೂಡಿಸಲು ಸಿದ್ಧವಾಗಿದೆ. ಇದರಿಂದ, ನೆಟ್‌ಫ್ಲಿಕ್ಸ್, ಅಮೆಜಾನ್ ಪ್ರೈಮ್ ಮತ್ತು ಡಿಸ್ನಿ+ ಹಾಟ್‌ಸ್ಟಾರ್ ಮುಂತಾದ ಖಾಸಗಿ ಸ್ಟ್ರೀಮಿಂಗ್ ಆಪ್ಲಿಕೇಷನ್‌ಗಳಿಗೆ ಪೈಪೋಟಿ ನೀಡುವ ನಿರೀಕ್ಷೆ ಇದೆ.
ಮಾಧ್ಯಮ ತಜ್ಞ ಅಂಕಿತ್ ಶರ್ಮಾ ಹೇಳುವಂತೆ, “‘ವೇವ್ಸ್’ ಒಟಿಟಿ ಭಾರತದ ಸಾರ್ವಜನಿಕ ಪ್ರಸರಣ ವೇದಿಕೆಯನ್ನು ಸ್ಟ್ರೀಮಿಂಗ್ ಜಗತ್ತಿಗೆ ಹೊಸ ಸ್ಪರ್ಧಿಯಂತೆ ಕಣಕ್ಕಿಳಿಸುತ್ತಿದೆ. ಮಾಹಿತಿ ಹಾಗೂ ಶೈಕ್ಷಣಿಕ ಕಾರ್ಯಕ್ರಮಗಳಿಗೆ ಹೆಚ್ಚಿನ ಪ್ರೇಕ್ಷಕರು ಆಕರ್ಷಿತರಾಗಬಹುದು”.
ಆಪ್ ಸ್ಟೋರ್‍‌ನಿಂದ ವೇವ್ಸ್ ಅನ್ನು ಡೌನ್‌ಲೋಡ್ ಮಾಡಲು ಇಲ್ಲಿ ಕ್ಲಿಕ್ ಮಾಡಿ.
ಗೂಗಲ್ ಆಪ್ಸ್‌ ನಿಂದ ವೇವ್ಸ್ ಅನ್ನು ಡೌನ್‌ಲೋಡ್ ಮಾಡಲು ಇಲ್ಲಿ ಕ್ಲಿಕ್ ಮಾಡಿ.