ಸೌದಿ ಅರೇಬಿಯಾದಲ್ಲಿ ಉಮ್ರಾ ಯಾತ್ರಿಕರನ್ನು ಕರೆದುಕೊಂಡು ಹೋಗುತ್ತಿದ್ದ ಬಸ್ ಮತ್ತು ತೈಲ ಟ್ಯಾಂಕರ್ ನಡುವೆ ಸಂಭವಿಸಿದ ಭೀಕರ ಅಪಘಾತದಲ್ಲಿ ಒಂದೇ ಮನೆಯ ಮೂರು ತಲೆಮಾರುಗಳ 18 ಮಂದಿ ಕುಟುಂಬ ಸದಸ್ಯರು ಇದ್ದರು ಎಂದು ಬಂಧುಗಳು ತಿಳಿಸಿದ್ದಾರೆ.
ಹೈದರಾಬಾದ್‌ನ ನಿವೃತ್ತ ರೈಲ್ವೆ ನೌಕರ ಶೈಖ್ ನಜೀರುದ್ದೀನ್ ತಮ್ಮ ಪತ್ನಿ, ಮಗ, ಮೂವರು ಹೆಣ್ಣುಮಕ್ಕಳು ಮತ್ತು ಮೊಮ್ಮಕ್ಕಳೊಂದಿಗೆ ಮದೀನಾ ಕಡೆಗೆ ತೆರಳುತ್ತಿರುವಾಗ ದುರಂತ ಸಂಭವಿಸಿದೆ ಎಂದು ಅವರ ಸೋದರಮಗ ಮೊಹಮ್ಮದ್ ಅಸ್ಲಾಂ ಮಾಹಿತಿ ನೀಡಿದರು.
“ಇದು ನಿಜವಾಗಿಯೂ ಅಪಘಾತವೋ ಅಥವಾ ಹೇಗೆ ಸಂಭವಿಸಿತು ಎಂಬುದು ನಮಗೆ ತಿಳಿದಿಲ್ಲ. ಆದರೆ ಒಟ್ಟು 18 ಮಂದಿ – ನಜೀರುದ್ದೀನ್, ಅವರ ಮಗ, ಹೆಣ್ಣುಮಕ್ಕಳು ಮತ್ತು ಮೊಮ್ಮಕ್ಕಳು ಬಸ್ಸಿನಲ್ಲಿ ಇದ್ದರು,” ಎಂದು ಅಸ್ಲಾಂ ಹೇಳಿದರು.
ಈ ಘಟನೆಯಿಂದ ಸಂಪೂರ್ಣ ಕುಟುಂಬ ಹಾಗೂ ಬಂಧುಗಳಲ್ಲಿ ಆತಂಕ ಮತ್ತು ದುಃಖದ ಮೋಡ ಆವರಿಸಿದೆ.