ಮುಂಬೈ: ಸ್ಮಾಲ್ ಕ್ಯಾಪ್ ಕಂಪನಿ ಫೈನೋಟೆಕ್ಸ್ ಕೆಮಿಕಲ್ಸ್ ಲಿಮಿಟೆಡ್ ತನ್ನ ಷೇರುದಾರರಿಗೆ ಡಬಲ್ ಧಮಾಕಾ ಆಫರ್ ಘೋಷಿಸಿದೆ. ಕಂಪನಿಯು ಷೇರು ವಿಭಜನೆ ಹಾಗೂ ಬೋನಸ್ ಷೇರು ವಿತರಣೆ ಯೋಜನೆಗೆ ಮಂಡಳಿಯ ಅನುಮೋದನೆ ನೀಡಿದೆ.
ಹೊಸ ಯೋಜನೆಯ ಪ್ರಕಾರ, ಕಂಪನಿಯ ಒಂದು ಷೇರು ಈಗ ಎಂಟು ಷೇರುಗಳಾಗಿ ವಿಭಜನೆಯಾಗಲಿದೆ. ಇದರಿಂದ ಷೇರುದಾರರಿಗೆ ಹೆಚ್ಚಿನ ಲಾಭದ ನಿರೀಕ್ಷೆ ಮೂಡಿದೆ.
ಫೈನೋಟೆಕ್ಸ್ ಕೆಮಿಕಲ್ಸ್ ಕಳೆದ ಐದು ವರ್ಷಗಳಲ್ಲಿ ಹೂಡಿಕೆದಾರರಿಗೆ ಭಾರೀ ಲಾಭ ನೀಡಿದೆ. ₹1 ಲಕ್ಷ ಹೂಡಿಕೆಯಿಂದ ಈಗಾಗಲೇ ಸುಮಾರು ₹8.5 ಲಕ್ಷಗಳ ಆದಾಯ ದೊರೆತಿದೆ ಎಂದು ವರದಿಯಾಗಿದೆ.
ರಸಾಯನ ಮತ್ತು ವಸ್ತ್ರ ಸಹಾಯಕ ಉತ್ಪನ್ನಗಳ ತಯಾರಿಕೆಯಲ್ಲಿ ತೊಡಗಿರುವ ಈ ಕಂಪನಿ, ತನ್ನ ವಿಸ್ತರಣಾ ಯೋಜನೆಗಳ ಮೂಲಕ ಮಾರುಕಟ್ಟೆಯಲ್ಲಿ ಹೆಚ್ಚಿನ ಬೆಳವಣಿಗೆ ಸಾಧಿಸಲು ಸಜ್ಜಾಗಿದೆ ಎಂದು ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ.
ಹೂಡಿಕೆದಾರರ ಉತ್ಸಾಹ ಹೆಚ್ಚಿಸಿರುವ ಈ ಘೋಷಣೆ ಮಾರುಕಟ್ಟೆಯಲ್ಲಿ ಕಂಪನಿಯ ಷೇರು ಮೌಲ್ಯವನ್ನು ಮತ್ತಷ್ಟು ಬಲಪಡಿಸಲಿದೆ.