ಬೆಂಗಳೂರು: ರಾಜ್ಯ ರಕ್ಷಣಾ ಸಚಿವ ಶ್ರೀ ಸಂಜಯ್ ಸೇಠ್ ಅವರು ಏರೋ ಇಂಡಿಯಾ 2025 ರಲ್ಲಿ ಹಲವು ದ್ವಿಪಕ್ಷೀಯ ಸಭೆಗಳನ್ನು ನಡೆಸಿದರು. ಭಾರತದ ರಕ್ಷಣಾ ಸಹಕಾರ ಬಲವರ್ಧನೆ, ಸ್ಥಳೀಯ ಉತ್ಪಾದನೆಗೆ ಪ್ರೋತ್ಸಾಹ ಮತ್ತು ಭದ್ರತಾ ಸಹಕಾರ ವಿಸ್ತರಣೆ – ಇವು ಈ ಸಭೆಗಳ ಧ್ಯೇಯಗಳಾಗಿದ್ದವು.
ಭಾರತ-ಇಟಲಿ: ರಕ್ಷಣಾ ಸಹಕಾರ ಬಲವರ್ಧನೆ
ಸಂಜಯ್ ಸೇಠ್ ಅವರು ಇಟಲಿಯ ರಕ್ಷಣಾ ಸಚಿವಾಲಯದ ರಾಜ್ಯ ಕಾರ್ಯದರ್ಶಿ ಶ್ರೀ ಮತಿಯೋ ಪೆರೆಗೊ ಡಿ ಕ್ರೆಮ್ನಾಗೊ ಅವರನ್ನು ಭೇಟಿ ಮಾಡಿದರು. ಇಬ್ಬರೂ ನಾಯಕರು ದ್ವಿಪಕ್ಷೀಯ ರಕ್ಷಣಾ ಸಹಕಾರದ ವಿವಿಧ ಅಂಶಗಳನ್ನು ಪರಿಶೀಲಿಸಿದರು. ಸ್ಥಳೀಯ ರಕ್ಷಣಾ ಉತ್ಪಾದನೆ ಮತ್ತು ತಾಂತ್ರಿಕ ಅಭಿವೃದ್ಧಿಯಲ್ಲಿ ಭಾರತದ ಪ್ರಗತಿಯನ್ನು ಚರ್ಚೆಗಳು ಒತ್ತಿಹೇಳಿದವು. ಬಹು ರಕ್ಷಣಾ ಕ್ಷೇತ್ರಗಳಲ್ಲಿ ಸಹಯೋಗವನ್ನು ಹೆಚ್ಚಿಸುವ ತಮ್ಮ ಬದ್ಧತೆಯನ್ನು ಸ್ಪಷ್ಟಪಡಿಸಿದರು.
ಭಾರತ-ಯುಕೆ: ಜಾಗತಿಕ ಶಾಂತಿ – ಸ್ಥಿರತೆಗೆ ಬದ್ಧತೆ
ಶ್ರೀ ಸಂಜಯ್ ಸೇಠ್ ಅವರು ಯುಕೆ ಹೌಸ್ ಆಫ್ ಲಾರ್ಡ್ಸ್ ಸಚಿವ ಲಾರ್ಡ್ ವೆರ್ನಾನ್ ಕೋಕರ್ ಅವರನ್ನು ಭೇಟಿಯಾಗಿ, ದ್ವಿಪಕ್ಷೀಯ ರಕ್ಷಣಾ ಸಹಕಾರ ಮತ್ತು ಕಾರ್ಯತಂತ್ರಗಳಲ್ಲಿ ಪರಸ್ಪರ ಸಹಕಾರದ ಬಗ್ಗೆ ಮಾತುಕತೆ ನಡೆಸಿದರು. ಆ ಸಭೆಯಲ್ಲಿ ಭಾರತ ಮತ್ತು ಬ್ರಿಟನ್ ರಕ್ಷಣಾ ಸಹಕಾರವನ್ನು ಬಲಪಡಿಸುವುದಾಗಿ ಒಪ್ಪಂದ ಮಾಡಿಕೊಂಡರು. ಭೂ-ರಾಜಕೀಯ ಸ್ಥಿರತೆ, ಕಡಲ ಸುರಕ್ಷತೆ ಮತ್ತು ಹಿಂದೂ ಮಹಾಸಾಗರದಲ್ಲಿ ಸ್ವಾತಂತ್ರ್ಯ ಮತ್ತು ಕಾನೂನುಗಳ ಪಾಲನೆಯ ಅವಶ್ಯಕತೆಗಳ ಕುರಿತು ಮಾತುಕತೆ ನಡೆಸಿದರು.
ಭಾರತ-ಲೆಸೋತೋ: ರಕ್ಷಣಾ ಸಂಬಂಧ ವಿಸ್ತರಣೆ
ಲೆಸೋತೋ ಪ್ರಧಾನಿ (ರಕ್ಷಣಾ ಮತ್ತು ಭದ್ರತಾ) ಕಾರ್ಯಾಲಯದ ಸಚಿವ ಲಿಂಫೋ ತಾವು ಅವರೊಂದಿಗೆ, ಭಾರತದಿಂದ ರಕ್ಷಣಾ ಉಪಕರಣಗಳ ರಫ್ತು ಮತ್ತು ಹೊಸ ಸಹಕಾರದ ಅವಕಾಶಗಳ ಕುರಿತು ಚರ್ಚಿಸಲಾಯಿತು. ಆ ಸಭೆಯಲ್ಲಿ ಭದ್ರತಾ ಸಹಕಾರ ಮತ್ತು ತಂತ್ರಜ್ಞಾನ ಹಂಚಿಕೆಯನ್ನು ಹೆಚ್ಚಿಸುವುದಾಗಿ ನಿರ್ಧರಿಸಲಾಯಿತು.
ಭಾರತದ ರಕ್ಷಣಾ ಬಲ ವಿಸ್ತರಣೆ
ಏರೋ ಇಂಡಿಯಾ 2025 ಭಾರತಕ್ಕೆ ಜಾಗತಿಕ ರಕ್ಷಣಾ ಸಹಕಾರವನ್ನು ವೃದ್ಧಿಸುವ, ಹೊಸ ತಂತ್ರಜ್ಞಾನಗಳನ್ನು ಪ್ರಸ್ತುತ ಪಡಿಸುವ ಮತ್ತು ರಕ್ಷಣಾ ಉತ್ಪಾದನಾ ಸಾಮರ್ಥ್ಯವನ್ನು ವ್ಯಕ್ತಪಡಿಸುವ ಉತ್ತಮ ವೇದಿಕೆಯಾಗಿ ಪರಿಣಮಿಸಿದೆ. ಈ ದ್ವಿಪಕ್ಷೀಯ ಸಭೆಗಳು ಭಾರತದ ರಕ್ಷಣಾ ಪ್ರಭಾವದ ವಿಸ್ತರಣೆ, ರಕ್ಷಣಾ ರಫ್ತು ಅವಕಾಶಗಳ ವೃದ್ಧಿ ಮತ್ತು ಪ್ರಾದೇಶಿಕ ಶಾಂತಿ-ಸ್ಥಿರತೆಯನ್ನು ಕಾಯ್ದುಕೊಳ್ಳುವ ಸಂಕಲ್ಪವನ್ನು ಸ್ಪಷ್ಟಪಡಿಸುತ್ತವೆ.