ICC Women’s Cricket World Cup 2025: ಮಹಿಳಾ ಕ್ರಿಕೆಟ್ ವಿಶ್ವಕಪ್ ಕುತೂಹಲ ಘಟ್ಟ ತಲುಪಿದ್ದು ಇಂದು ನವೀ ಮುಂಬೈಯಲ್ಲಿ ಪಂದ್ಯ ನಡೆಯಲಿದೆ. ಮಹಿಳಾ ಕ್ರಿಕೆಟ್ ವಿಶ್ವಕಪ್ 2025 ಫೈನಲ್‌ನಲ್ಲಿ ಭಾರತ ಹಾಗೂ ದಕ್ಷಿಣ ಆಫ್ರಿಕಾ ತಂಡಗಳು ಮುಖಾಮುಖಿಯಾಗುತ್ತಿವೆ. ಪಂದ್ಯವು ಸಂಜೆ 3 ಗಂಟೆಗೆ ಡಾ. ಡಿ. ವೈ. ಪಾಟೀಲ್ ಸ್ಟೇಡಿಯಂನಲ್ಲಿ ಆರಂಭವಾಗಲಿದೆ.
ಭಾರತೀಯ ತಂಡವು ಈ ಬಾರಿ ಶ್ರೇಷ್ಟ ಪ್ರದರ್ಶನದೊಂದಿಗೆ ಫೈನಲ್‌ಗೆ ತಲುಪಿದ್ದು, ಸೆಮಿಫೈನಲ್‌ನಲ್ಲಿ ಆಸ್ಟ್ರೇಲಿಯಾವನ್ನು ಸೋಲಿಸಿ ಇತಿಹಾಸ ನಿರ್ಮಿಸಿತ್ತು. ಸ್ಮೃತಿ ಮಂದನಾ, ಶೆಫಾಲಿ ವರ್ಮಾ ಮತ್ತು ಹರ್ಮನ್‌ಪ್ರೀತ್ ಕೌರ್ ಈ ಬಾರಿ ಅತ್ಯುತ್ತಮ ಫಾರ್ಮ್‌ನಲ್ಲಿ ಇದ್ದಾರೆ. ದಕ್ಷಿಣ ಆಫ್ರಿಕಾ ತಂಡವು ಇಂಗ್ಲೆಂಡ್ ವಿರುದ್ಧ ಸೆಮಿಫೈನಲ್‌ನಲ್ಲಿ ಅಚ್ಚರಿಯ ಜಯ ದಾಖಲಿಸಿ ಮೊದಲ ಬಾರಿಗೆ ವಿಶ್ವಕಪ್ ಫೈನಲ್‌ಗೆ ತಲುಪಿದೆ.
ಇದು ಎರಡೂ ತಂಡಗಳಿಗೆ ಮೊದಲ ವಿಶ್ವಕಪ್ ಗೆಲುವಿನ ಅವಕಾಶ. ಹೀಗಾಗಿ ಪಂದ್ಯದಲ್ಲಿ ಉತ್ಸಾಹ, ಒತ್ತಡ ಉನ್ನತ ಮಟ್ಟ ನಿರೀಕ್ಷಿಸಲಾಗಿದೆ. ನವೀ ಮುಂಬೈಯ ಹವಾಮಾನದಲ್ಲಿ ಮಧ್ಯಾಹ್ನದ ವೇಳೆಗೆ ಸ್ವಲ್ಪ ಮಳೆ ಸಾಧ್ಯತೆ ಇದ್ದರೂ, ಅಭಿಮಾನಿಗಳು ಕ್ರಿಕೆಟ್‌ನ ಮಹಾ ಕ್ಷಣವನ್ನು ಕಣ್ತುಂಬಿಕೊಳ್ಳಲು ಸಜ್ಜಾಗಿದ್ದಾರೆ.
ಭಾರತದ ಮಹಿಳಾ ಕ್ರಿಕೆಟ್ ತಂಡ ಈಗಾಗಲೇ ವಿಶ್ವಕಪ್‌ನಲ್ಲಿ ಅತ್ಯಧಿಕ ರನ್ ಮತ್ತು ವಿಕೆಟ್ ದಾಖಲೆಗಳನ್ನು ಮಾಡಿದ್ದು, ಯುವ ಪ್ರತಿಭೆಗಳು ತಂಡಕ್ಕೆ ಹೊಸ ಶಕ್ತಿ ತುಂಬಿವೆ. ಹರ್ಮನ್‌ಪ್ರೀತ್ ಕೌರ್ ಅವರ ನಾಯಕತ್ವದಡಿ ಭಾರತ ತನ್ನ ಮೊದಲ ವಿಶ್ವಕಪ್ ಟ್ರೋಫಿ ಎತ್ತುವ ನಿರೀಕ್ಷೆಯಲ್ಲಿ ಇದೆ.
ಪಂದ್ಯದ ಪ್ರಮುಖ ಅಂಶಗಳು
ಪಂದ್ಯ ಆರಂಭ ಸಮಯ: ಸಂಜೆ 3 ಗಂಟೆ (IST)
ಸ್ಥಳ: ಡಾ. ಡಿ. ವೈ. ಪಾಟೀಲ್ ಸ್ಪೋರ್ಟ್ಸ್ ಅಕಾಡೆಮಿ, ನವೀ ಮುಂಬೈ – ನೇರ ಪ್ರಸಾರ: ಸ್ಟಾರ್ ಸ್ಪೋರ್ಟ್ಸ್ ನೆಟ್ವರ್ಕ್ / ಹಾಟ್‌ಸ್ಟಾರ್
