ನವದೆಹಲಿ: ಚಿನ್ನದಂತೆಯೇ ಈಗ ಬೆಳ್ಳಿಯ ಮೇಲೂ ಬ್ಯಾಂಕ್‌ಗಳಿಂದ ಸಾಲ ಪಡೆಯಲು ಅವಕಾಶ ದೊರೆಯಲಿದೆ. ಕೇಂದ್ರ ಸರ್ಕಾರ ಹಾಗೂ ಭಾರತೀಯ ರಿಸರ್ವ್ ಬ್ಯಾಂಕ್ (ಆರ್‌ಬಿಐ) ಹೊಸ ಯೋಜನೆ ರೂಪಿಸುತ್ತಿದ್ದು, ಇದು 2026ರ ಏಪ್ರಿಲ್‌ರಿಂದ ಜಾರಿಗೆ ಬರಲಿದೆ ಎಂದು ಮಾಹಿತಿ ದೊರಕಿದೆ.
ಈ ಕ್ರಮದ ಮೂಲಕ ಬೆಳ್ಳಿ ಹೂಡಿಕೆದಾರರು ಮತ್ತು ಆಭರಣ ಉದ್ಯಮಗಳಿಗೆ ಹೊಸ ಆರ್ಥಿಕ ಆಯ್ಕೆಯ ದಾರಿ ತೆರೆಯಲಿದೆ. ಈಗಾಗಲೇ ಚಿನ್ನದ ಮೇಲಿನ ಸಾಲ (ಗೋಲ್ಡ್ ಲೋನ್) ಜನಪ್ರಿಯವಾಗಿದ್ದರೆ, ಬೆಳ್ಳಿಯ ಮೇಲಿನ ಸಾಲ ಯೋಜನೆ ಗ್ರಾಹಕರಿಗೆ ಇನ್ನಷ್ಟು ಲಾಭಕರವಾಗಲಿದೆ ಎಂದು ತಜ್ಞರು ಹೇಳಿದ್ದಾರೆ.
ಆರ್‌ಬಿಐ ಮೂಲಗಳ ಪ್ರಕಾರ, ಬ್ಯಾಂಕ್‌ಗಳು ಗ್ರಾಹಕರಿಂದ ಬೆಳ್ಳಿಯನ್ನು ಬಾಂಧಕವಾಗಿ ತೆಗೆದುಕೊಂಡು ಅದರ ಮೌಲ್ಯಕ್ಕೆ ಅನುಗುಣವಾಗಿ ಸಾಲ ನೀಡುವ ವ್ಯವಸ್ಥೆಯನ್ನು ರೂಪಿಸುತ್ತಿವೆ. ಇದರಿಂದ ಚಿಕ್ಕ ಮತ್ತು ಮಧ್ಯಮ ವ್ಯವಹಾರಗಳಿಗೂ ಬೆಳ್ಳಿ ಹೂಡಿಕೆಯಿಂದ ಹಣಕಾಸು ಲಭ್ಯವಾಗುವ ಸಾಧ್ಯತೆ ಇದೆ.