ಛತ್ತೀಸ್‌ಗಢ ಭ್ರಷ್ಟಾಚಾರ ನಿಗ್ರಹ ದಳ (ACB) ಮತ್ತು ಆರ್ಥಿಕ ಅಪರಾಧ ವಿಭಾಗ (EOW) ಮದ್ಯ ಹಗರಣ ಪ್ರಕರಣದಲ್ಲಿ ನಿವೃತ್ತ ಐಎಎಸ್ ಅಧಿಕಾರಿ ನಿರಂಜನ್ ದಾಸ್ ಅವರನ್ನು ಬಂಧಿಸಿದೆ. ದಾಸ್ ಅವರು ಆ ಸಮಯದಲ್ಲಿ ರಾಜ್ಯ ಮದ್ಯ ಇಲಾಖೆಯ ಆಯುಕ್ತರಾಗಿದ್ದು, ಹಗರಣವನ್ನು ನಡೆಸುತ್ತಿದ್ದ ಸಿಂಡಿಕೇಟ್‌ಗೆ ಸಹಕರಿಸಿದ್ದಾರೆಯೆಂಬ ಆರೋಪ ಎದುರಿಸುತ್ತಿದ್ದಾರೆ.
ದಾಸ್ ಅವರು ರಾಜ್ಯದ ಮದ್ಯ ಅಂಗಡಿಗಳಲ್ಲಿ ಲೆಕ್ಕಕ್ಕೆ ಬಾರದ ಮದ್ಯ ಮಾರಾಟ, ಅಧಿಕಾರಿಗಳ ವರ್ಗಾವಣೆ, ಟೆಂಡರ್ ಪ್ರಕ್ರಿಯೆಗಳಲ್ಲಿ ತಿದ್ದುಪಡಿ, ದೋಷಪೂರಿತ ಮದ್ಯ ನೀತಿ ಜಾರಿಗೆ ಸಹಕಾರ ನೀಡುವ ಮೂಲಕ ಹಲವು ಕೋಟಿ ರೂಪಾಯಿಗಳ ಅಕ್ರಮ ಲಾಭ ಪಡೆದಿದ್ದಾರೆ ಎಂಬುದು ತನಿಖಾ ಅಧಿಕಾರಿಗಳ ಆರೋಪ.
ಈ ಪ್ರಕರಣ ರಾಜ್ಯ ರಾಜಕೀಯ ವಲಯ ಮತ್ತು ಆಡಳಿತ ವಲಯಗಳಲ್ಲಿ ಭಾರಿ ಚರ್ಚೆಗೆ ಕಾರಣವಾಗಿದೆ.