ಮುಂಬೈ: ಮುಂಬೈನ ಪೊವೈಯಲ್ಲಿರುವ ಪ್ರಸಿದ್ಧ ಐಐಟಿ ಬಾಂಬೆ ಆವರಣದಲ್ಲಿ ಚಿರತೆ ಕಾಣಿಸಿಕೊಂಡ ಘಟನೆ ಆತಂಕ ಮೂಡಿಸಿದೆ. ಸಿಸಿಟಿವಿ ದೃಶ್ಯದಲ್ಲಿ ದಾಖಲಾಗಿರುವ ಈ ಘಟನೆ ವಿದ್ಯಾರ್ಥಿ–ಸಿಬ್ಬಂದಿ ವಲಯದಲ್ಲಿ ಭಯ ಹುಟ್ಟಿಸಿದೆ.
ಅಕಸ್ಮಿಕವಾಗಿ ಕಾಡುಮೃಗ ಆವರಣ ಪ್ರವೇಶಿಸಿರುವುದು ಸುರಕ್ಷತೆಗೆ ಸಂಬಂಧಿಸಿದ ಗಂಭೀರ ಚಿಂತೆಗಳಿಗೆ ಕಾರಣವಾಗಿದೆ. ವಿದ್ಯಾರ್ಥಿಗಳ ಬಹುತೇಕರು ಭಯ ವ್ಯಕ್ತಪಡಿಸಿದರೆ, ಕೆಲವರು ವನ್ಯಜೀವಿಗಳು ಆವರಣ ಪ್ರವೇಶಿಸದಂತೆ ತಡೆಯುವ ದೃಢ ಕ್ರಮಗಳ ಅಗತ್ಯವಿದೆ ಎಂದು ಅಭಿಪ್ರಾಯ ಪಟ್ಟಿದ್ದಾರೆ.
ಈ ಘಟನೆ, ಮುಂಬೈಯಲ್ಲಿ ಪದೇ ಪದೇ ನಡೆಯುತ್ತಿದ್ದು ಚಿರತೆ ಹಾಗೂ ಇತರ ಕಾಡುಪ್ರಾಣಿಗಳ ನಗರ ಪ್ರದೇಶ ಪ್ರವೇಶಿಸುತ್ತಿದೆ. ವಿಶೇಷವಾಗಿ ಸಂಜಯ್ ಗಾಂಧಿ ರಾಷ್ಟ್ರೀಯ ಉದ್ಯಾನವನದ ಸುತ್ತಮುತ್ತಲಿನ ಪ್ರದೇಶಗಳಲ್ಲಿ ಇಂತಹ ಘಟನೆಗಳು ಹೆಚ್ಚಾಗಿ ಸಂಭವಿಸುತ್ತಿರುವುದಾಗಿ ಸ್ಥಳೀಯರು ಆತಂಕ ವ್ಯಕ್ತಪಡಿಸಿದ್ದಾರೆ.