ಪ್ರಧಾನಿ ನರೇಂದ್ರ ಮೋದಿ ನೇತೃತ್ವದ ಕೇಂದ್ರ ಸರ್ಕಾರ ತನ್ನ ಆದ್ಯತೆಯನ್ನು ಮತ್ತೊಮ್ಮೆ ಸ್ಪಷ್ಟಪಡಿಸಿದೆ. ಸಾಫ್ಟ್ ಡ್ರಿಂಕ್‌ಗಳಿಗೆ 40% ಜಿಎಸ್‌ಟಿ ವಿಧಿಸುವ ನಿರ್ಧಾರ ಕೈಗೊಳ್ಳಲಾಗಿದ್ದು, ಜೀವ ಹಾಗೂ ಆರೋಗ್ಯ ವಿಮೆಗಳ ಮೇಲೆ ಯಾವುದೇ ಜಿಎಸ್‌ಟಿ ವಿಧಿಸಲಾಗುವುದಿಲ್ಲ ಎಂದು ತಿಳಿಸಲಾಗಿದೆ.
ಆರೋಗ್ಯಕರ ಭಾರತದ ನಿರ್ಮಾಣದತ್ತ ಸರ್ಕಾರದ ಹೆಜ್ಜೆ ಎನ್ನಬಹುದಾದ ಈ ಕ್ರಮವು ಜನರಲ್ಲಿ ಉತ್ತಮ ಅಭ್ಯಾಸ ಬೆಳೆಸುವತ್ತ ದಾರಿ ಮಾಡಿಕೊಡಲಿದೆ. ಅನಾರೋಗ್ಯಕ್ಕೆ ಕಾರಣವಾಗುವ ಅಹಿತಕರ ಪಾನೀಯಗಳ ಬೆಲೆ ಹೆಚ್ಚುವ ಮೂಲಕ ಜನರು ಅವುಗಳಿಂದ ದೂರವಾಗಲಿದ್ದಾರೆ. ಇತ್ತ, ಜೀವ ಮತ್ತು ಆರೋಗ್ಯ ವಿಮೆಗಳು ಜನಸಾಮಾನ್ಯರಿಗೆ ಸುಲಭವಾಗಿ ಲಭ್ಯವಾಗುವಂತಾಗಲಿವೆ.
“ಜನರ ಆರೋಗ್ಯ, ಭವಿಷ್ಯದ ಭದ್ರತೆ, ಕುಟುಂಬಗಳ ರಕ್ಷಣೆ – ಇವುಗಳನ್ನು ಗಮನದಲ್ಲಿಟ್ಟುಕೊಂಡೇ ಸರ್ಕಾರ ತೀರ್ಮಾನ ಕೈಗೊಂಡಿದೆ. ಜಂಕ್ ದುಬಾರಿ ಆದಾಗ, ಆರೋಗ್ಯ ಸೇವೆಗಳು ಸುಲಭವಾದಾಗ ನಿಜವಾದ ಆಡಳಿತದ ದೃಷ್ಟಿಕೋನ ಕಾಣಿಸುತ್ತದೆ,” ಎಂದು ಕೇಂದ್ರ ಸರ್ಕಾರದ ಮೂಲಗಳು ತಿಳಿಸಿವೆ.
ಆರೋಗ್ಯಕರ, ಬಲಿಷ್ಠ ಹಾಗೂ ಭದ್ರ ಭಾರತದ ಕನಸನ್ನು ನನಸಾಗಿಸಲು ಕ್ರಮೇಣ ನಡೆಯುತ್ತಿರುವ ಈ ಬದಲಾವಣೆ ಜನರಲ್ಲಿ ಹರ್ಷ ಹುಟ್ಟಿಸಿದೆ. ಜನರ ಕಲ್ಯಾಣವೇ ಕೇಂದ್ರಬಿಂದುವಾಗಿ ಪ್ರಧಾನಿ ಮೋದಿ ನಿರಂತರ ಪ್ರಯತ್ನಿಸುತ್ತಿರುವುದಕ್ಕೆ ಹಲವರು ಶ್ಲಾಘನೆ ವ್ಯಕ್ತಪಡಿಸಿದ್ದಾರೆ.