ಭಾರತೀಯ ಅನಿಮೇಷನ್ ಚಲನಚಿತ್ರ ಲೋಕದಲ್ಲಿ ಮಹತ್ವದ ಇತಿಹಾಸ ನಿರ್ಮಾಣವಾಗಿದೆ. ಮಹಾವತಾರ ನರಸಿಂಹ ಸಿನಿಮಾ, ಪ್ರಪಂಚದ ಬಾಕ್ಸ್ ಆಫೀಸ್ನಲ್ಲಿ 300 ಕೋಟಿ ಕ್ಲಬ್ ಸೇರ್ಪಡೆಯಾದ ಭಾರತದ ಮೊದಲ ಅನಿಮೇಷನ್ ಚಿತ್ರವಾಗಿದೆ.
ವಾರದಿಂದ ವಾರಕ್ಕೆ ಹೊಸ ಹೊಸ ಚಿತ್ರಗಳು ಬಿಡುಗಡೆಯಾದರೂ, ಈ ಮಹಾಕಾವ್ಯಾಧಾರಿತ ಚಿತ್ರ ತನ್ನ ಹೆಜ್ಜೆಯನ್ನು ನಿಲ್ಲಿಸದೆ ಯಶಸ್ಸಿನತ್ತ ದಾಪುಗಾಲಿಡುತ್ತಿದೆ. ಇತ್ತೀಚೆಗೆ “ವಾರ್ 2”, “ಕುಲಿ” ಮುಂತಾದ ದೊಡ್ಡ ಚಿತ್ರಗಳೂ ಬಿಡುಗಡೆಯಾದರೂ, ಮಹಾವತಾರ ನರಸಿಂಹ ತನ್ನ ಅಬ್ಬರವನ್ನು ಮುಂದುವರಿಸಿದೆ.
ಹಲವಾರು ದಾಖಲೆಗಳನ್ನು ಬರೆದಿರುವ ಈ ಚಿತ್ರ ಈಗ 300 ಕೋಟಿ ರೂಪಾಯಿ ಮೈಲಿಗಲ್ಲು ತಲುಪಿ “ಟ್ರಿಪಲ್ ಸೆಂಚುರಿ” ಸಾಧನೆಗೈದಿದೆ.
ಭಾರತೀಯ ಅನಿಮೇಷನ್ ಕ್ಷೇತ್ರಕ್ಕೆ ಇದು ಐತಿಹಾಸಿಕ ಕ್ಷಣವಾಗಿದ್ದು, ಮಹಾವತಾರ ನರಸಿಂಹ ಚಿತ್ರವು ಭಾರತದ ಸೃಜನಶೀಲತೆ ಮತ್ತು ತಾಂತ್ರಿಕ ಸಾಮರ್ಥ್ಯದ ಸಾಕ್ಷಿಯಾಗಿದೆ.